Ukraine para Russia kan nuclear facilities deh strike kuri bole plan kuri ase kui shae

September 20, 2024: Saturday din deh Ukraine laka foreign minister para Russia kan Ukrainian nuclear facilities deh strike kuri bole plan kuri ase kui shae winter season laka agae deg. Tai para aro U.N laka nuclear watchdog aro Ukraine laka allies kan keh permanent monitoring missions establish kuri b kui shae, country laka nuclear plants deh. “Ukraine laka intelligence isap deh, Kremlin kan Ukrainian nuclear energy critical objects deh strike kuri bole ready kuri ase, winter season laka agae deh,: Foreign Minister Andriy Sybiha para X deh liki shae. “Etu tho particularly, transmission substation deh taka open distribution devices keh jinta kureh, kuto nuclear energy laka safe operation karne critical ase.”  U.N laka nuclear watchdog, International Atomic Energy Agency para comment laka request deh itia b jawab dia nai. Ukraine president laka chief of staff, Andriy Yermak para ekta swift global jawab taki bole mangi shae, nuclear facility deh strike hobo leh laka damki upor deh. “Etu tho ekta possible nuclear disaster scenario karne preparation ase. Russia tho ekta terrorist ase. Taikan keh yeteh itia ruka bole lakeh. West aro Global South laka countries kan terror laka preparations deh kara para react kuri bole lakeh,” tai para telegram deh liki shae.