Ukraine Plane Crash te 22 Military students morishe

Kiev, Ukraine: September 26, 2020. Friday din te Ukrainian air force plane toh desh laga east Kharkiv chaka osor te crashed hoikena komti hoilebi 22 manuh morishe, mora pithor te military students be thakishe aro tui(2) jun besi serious jokom paishe, koikena interior ministry para janai thishe. Deputy Interior Minister Anton Gerashchenko AFP logot manuh mora toh khobor thishe. Tai para etu incident toh “shock”, ase koishe aro keneka crash hoishe investigate kori ase. Officials khan para social media te video thikai deya te, Antonov-26 transport plane te jui olai thakishe. “manuh mora pithor te besi wala toh Kharkiv National Air Force University laga students khan ase” koikena air force para statement te koishe. Plane te toh sob meliakena 27 manuh thakishe, 20 jun students aro sath(7) jun toh crew members ase. Emergency service para koishe ke, 22 manuh mora khobor paishe aro tui(2) jun jokom hoikena ase aro “tin(3) jun manuh ke besari ase”. Jokom kora manuh khan toh besi “critical” condition te ase, koikena regional governor Oleksiy Kucher para Facebook te junai thishe. Ukrainian President Volodymyr Zelensky para crash howah toh “terrible tragedy” ase aro koishe ke, Saturday din te tai Kharkiv chaka te jaboli ase koishe. Tai para Facebook te lekishe ke, “ami khan jolti para commission ekta bonaina keneka hoikena crash hoishe investigate koribo”. Plane toh 8:50 pm local time (17:50 GMT), tui(2) kilometres (1.2 miles) Chuhuiv military air base para jaikena crashed kora ase, koikena emergency service para koishe. Emergency services para photo thika te, firefighters khan helmets aro reflect kora kapra  lakaikena aircraft te paani mari thaka thikaise.