United State, 13 February 2025: United State President Donald Trump pra koishey tai lamba aro bishi productive phone call te thaki shey Vladimir Putin lokot Wednesday din te, tadeh leaders khan agree kuri shey negotiation toh shuru kuribo leh war khotom kuribo nimite. Taila Truth Social platform post te, Trump pra koishey tai aro Russian president toh agree kuri shey taikhan laka nijor teams khan negotiation toh direct shuru kuribo. Olop deri hoi kina, President Volodymyr Zelenskyy pra koishey tai Trump lokot khota kuri shey lasting, reliable peace opor te. Warring sides lokot calls toh ahishey kicha Trump aro tai laka defence secretary duijun pra koishey ki Ukraine khan unlikely ase Nato join kuribo leh, kun toh bitter disappointment nishina ahibo Kyiv ke. Zelenskyy pra koishey tai next Vice-president JD Vance aro Secretary of State Marco Rubio lokot lok pabo defence summit time te Ukraine te Monday din te.
Trump pra social media te likhi shey: Time ahishey etu misa mishi war toh khotom kuribo leh, kute bishi dangor aro misa mishi nuksan khan aro manu muri ase. Isor Russia aro Ukraine laka manu khan ke bless kuribi.
Kremlin spokersperson Dmitry Peskov pra koishey Putin toh Donald Trump laka idea ke support kuri ase, time ahishey eki lokot kam kuribo leh. Putin aro Trump laka bitor te call toh ek ghanta adhat nishina kuri shey, tadeh Russian president pra invitation dishey Moscow te visit kuribo leh, Peskov pra koishey. Trump pra reporters khan ke koishey White House te ki Ukraine khan unlikely ase taikhan laka pre-2014 borders te ahibo leh, hoileh b BBC laka question ke jawab te, tai koishey kunba mati khan toh wapas ahibo. President agree kuri shey taila defence secretary Pete Hegseth lokot, kun Nato summit earlier Wednesday din te koishey ki eku likelihood nai Ukraine laka military alliance join kuribo leh.
Add Comment