Kyiv, Ukraine, 25 April : Ukraine para Thursday dey kuishey ki taikhan para 15 saal karney ekta ekta husband aro wife ke prison dey dhali dishey, Russia ke khobor dia karney kuntu para itu laga forces ke ekta hospital dey ekta rocket strike launch kuriboley dishey.
Prosecutors para hazaar cases khulishey itu alleged collaboration dey Moscow laga forces logot, Russia para itu desh February 2022 dey invade kuria piche dey luina.
Security Services of Ukraine (SBU) para Thursday dey bhi kuishey ki taikhan para ekta former soldier ke detain kurishey kunke aarop kurishey Russia ke northeastern Kharkiv region dey strike kuria laga plot dey motut kurishey.
Taikhan toh allegedly Russia laga FSB security service para recruite kurishey, ekta Russian Telegram channel laga ekta advert dey respond kuria piche dey kuntu para Ukrainian positions laga intelligence podli dey payments offer kuri thakishey.
Russian forces para Kherson dey bishi medical facilities dey strike kueishey, Ukraine para November 2022 dey southern sheher laga control wapis lua piche dey.
Ukrainian forces para bhi kuishey ki northeastern Sumy region dey taikhan ekta Russian sabotage group ke repel kurishey.
Russian forces ke artillery aro mortar fire para wapis dhakai dishey, itu kuishey.
Moscow laga troops Sumy region dey ghusishey, Kremlin para February 2022 dey Ukraine laga invasion launch kuria piche dey, huilewi Ukrainian forces para wapis dhakai dishey.
Add Comment