Australia, 24 January : Top Ukrainian junior Yelyzaveta Kotliar kuisheh ki tai maafi mangi asey tai laga tennis federation para itu 16-saal ke ekta Russian opponent laga haat milia karoney Australian Open dey. Kotliar toh saal laga opening Grand Slam andar scrutiny dey ahishey kitia tai Vlada Mincheva ke congratulate kurishey tai haria piche dey. Itu handshake toh nalikhina thakia rule ekta defy kurishey tai laga fellow Ukrainians maju dey, taikhan laga Russian aro Belarusian opponents ke congratulate nakuriboley kitia taikhan laga ghor dey war chuli asey.
Itu Ukraine Tennis Federation para itu ke ekta “unpleasant ghatna” kuishey, itu laga position reiterate kurina ki “Ukrainian tennis khiladi para agggressor countries desh laga representatives logot haat namilawo”.
“Muikhan laga leading khiladi ke itu laga khobor janai dishey aro itu position ke support kurey,” itu haalishey ekta statement dey, kutey Kotliar laga action ke “ekta galti” kuina maadishey.
16-saal Ukrainian tennis khiladi Yelyzaveta Kotliar toh reports hisab dey Ukraine dey charges samna kuri asey ekta Russian khiladi logot haat milaa piche dey, itu Ukrainian maiki laga haar piche dey. Itu @Ukraine Ministry of Sports para taikhan laga khilaf ekta case khulishey.
Kotliar laga paap, Konstantin Kotliar, kuishwy tai laga maiki bacha toh ekta pressure situation dey thik phabna kuri thakianai.
Ukraine laga Dayana Yastremska para Kotliar ke defend kurishey kitia itu issue upar dey hudishey tai para unseeded Czech Linda Noskova ke harai dia piche dey, Wednesday dey mahila laga main draw semi-finals pahunjiwoley.
Tournament olob agey dey, Ukraine laga Lesia Tsurenko, mahila laga main draw dey 28th seed, kuishey ki itu handshake snub toh khiladi khan Russia laga khilaf protest kuria laga ekta part huishey.
