Ukrainian Minister, Half Million Dollars bribe lua karney arrest kurishey

Kyiv, 12 August : Ekta Ukrainian deputy energy minister ke arrest kurishey kun ke three alleged accomplices logot half million dollars laga bribe lua aarop kurishey, Ukraine laga SBU Security Service para Monday dey kuishey. Itu minister, kun laga naam SBU para koanai, allegedly mining industry officials ke taike mines para equipment transfer kuriboley demand kurishey, frontline eastern Donetsk region dey ekta coal basin dey western Ukraine dey. Itu minister para  three alleged accomplices laga motut logot itu payment luishey, kun khan sob ke red handed dhurishey, itu minister para bribe laga ekta part lua piche dey. SBU para itu four aaropi laga identity disclose kurianai. Huileqi Ukrainian opposition MP Yaroslav Zheleznyak para itu minister laga naam Oleksandr Kheilo kuishey, ekta deputy energy minister. Ukraine laga Cabinet Ministers piche dey ekta order issue kurishey, Kheilo ke tai laga post para dismiss kuriboley, ekta government Telegram channel hisab dey.