June 26, 2024: Chumoukedima Town Council toh hoiley shanti para hculai jaboley parishey, eku bhi jhagara jamela khan nahoi kena, tatey laga sob 24 polling Station khan tey, 11 ward khan laga under tey, 26th June 2024 tey.
Eneka gorom din thaki kena bhi, voter khan toh hoiley nahili kena tatey enthusiastic para thaka laga dikhi paishey, patience para, tai khan laga vote khan dhaliboley, Chumoukedima Town tey. Tatey pura puri 16127 elector khan ahishey, koi asey, tai khan laga vote khan caste kuriboley, kuntu khan majetey 7815 khan toh mota manu asey aru 8312 toh maiki manu khan asey, koishey. Itu sob polling station khan tey security personnel khan rakhi di kena thakishey, ekta smooth para electoral process toh conduct kuriboley pariboley. Sob polling station khan tey toh, standard voting compartment khan para equip thakishey, aru tai khan ke refreshment aru lagi thaka facility khan provide kurishey koishey, itu voter khan laga convenience nimitey, kun khan toh hoiley tatey vote diboley ahishey.
Add Comment