Guwahati, December 29 : Assam laga ekjun sarkari kaam kora manu ke tai social media te Paresh Baruah para lead kora ULFA-I ke support kora nimitey police para taikey arrest kurisey.
Etu arrest huwa manu laga naam tu Dharma Dutta asey aro tai tu Assam laga Nagaon district para asey.
Dutta ke Assam laga Nagaon district laga Uriagaon busti te thaka tailaga ghor para arrest kurisey.
Dharma Dutta tu Assam laga Nagaon Municipal Board te kaam kora employee asey.
Dutta ke Assam police para tai ULFA-I ke support dikhaikina social media(facebook/whatsapp/instagram/twitter) te ekta post dhala nimitey arrest kurisey.
Assam police para ULFA-I ke support kora manu khan laga against te action luwa tu tej kuridisey.
Reports hisap te, Dharma Dutta para etu social media post laga comment kora jag ate ULFA-I join kuribole laga iccha asey koikina bi koisey.
Enaka hey, Assam laga Morigaon district para bi Biswajit Deka koikina ekjun manu ke tai para Facebook te ULFA-I join kuribole laga iccha jata nimitey arrest kurisey.
Deka tu Assam laga Darrang district laga Balipota district te bohey.
Add Comment