Guwahati, October 26 : United Liberation Front of Asom (ULFA) laga professional kotha kora group para rajya laga indigeneous manu khan nimitey 94 assembly constituency te reservation mangisey.
ULFA (pro-talk) general secretary Anup Chetia para koisey ki taikhan para Centre ke draft peace agrrement laga mamla te taikhan laga suggestion patahisey aro Union government para jawab aha rukhi asey .
Tai para koisey, “Amikhan para Assam Legislative Assembly laga 94 seat te rajya laga indigeneous manu khan nimitey reservation lagi asey . Delimitation exercise picheyte etu tu aro bisi jaruri hoijaisey.”
August moina te, Election Commission para Assam laga assembly seat laga number ke wapas 126 banaidikina aro Lok Sabha laga constituency(election huwa jaga khan) 14 banaidiya picheyte taikhan laga final delimitation report publish kurisey.
Assam te 7ta Rajya Sabha seat asey. Taikhan para ekta parliamentary aro 19 assembly sear laga naam chola tu bodli kuridisey. ULFA logotey jurikina thaka 10 saal purana mamla laga kotha kurikina, Chetia para etya laga sarkar para etu problem khan ke friendly aro shanty para solve kuribo koikina biswas janaisey.
Tai para koisey, “Amikhan tu amikhan para suggestion diya te central government laga side para positive jawab ahibole rukhi asey. Amikhan tu optimistic asey aro Centre para sincerity dikha laga tariff kuri asey. Chetia para Assam nimitey ekta “correct National Register of Citizens” demand kurisey aro biswas dilaisey ki rajya te Citizenship (Amendment) Act lagu kora laga cut-off year tu 2014 laga jag ate 1951 hobo lagey.
Citizenship Amendment Act (CAA) para December 31, 2014 te nohoilebi etu laga agey te Bangladesh, Pakistan aro Afghanistan para India te gusa Hindu, Jain, Christian, Sikh, Buddhist aro Parsis khan ke Indian citizenship dibole bisari asy. Chetia para akha kuri asey ki “Centre logotey peace agreement tu bisi joldi sign kuribo” aro etu para ULFA-I para awas utha problem khan ke khotom kuridibo.”
ULFA (Professional kotha kora manu) laga vice president Pradip Gogoi para koisey ki etu agreement sign huwa picheyte manu khan laga dangor problem khan tu ekdam nichey level para solve hoijabo.
Tai para koisey, “Etu homoitey ULFA tu bhangijabo aro etu organization para te bhak loble nimitey politics te nugusibo. Judi member khan para election te bhak lobole mon jai asey koiley etu tu taikhan laga personal nohoilebi individual kosis hobo.”
Wednesdy din te Kaziranga National Park laga ekta resort te ekta lamba discussion rakha te ULFA-I laga sergeant rank laga opor te thaka 200 para bisi cadre khan para participate kurisey.
Youth khan para ULFA (Independent) join kuribole continue kuri thaka laga mamla te Chetia para koisey ki taikhan tu aji kali etu ban hoikina thaka ULFA-I group te laalchi laga maksat para jai asey.
Tai para koisey ki etu jawan manu khan majotey bisi bhak tu polai thakibole lagiya zindigi laga dukh-diktar tu jhelibole naparikina etu group ke charidiye.
Add Comment