July 19, 2024: United Nations, UN Secretary-General Antonio Guterres, Bangladesh deh hua developments kan tho bhal para sai ase aro violence hua karne bishi jinta deh ase, taila spokesperson para kui shae. Tai para Dhaka deh taka authorities kan keh kam kuri b kui shae, jawan population lokot deh aro kuri nah solution tho bisari b kui shae.
Bangladesh deh violent protest kan hui ase, government jobs laka quotas upor deh.
“Bangladesh laka situation sai nah, mui apni keh kubo pari bo, mukan Dhaka aro Bangladesh laka alak jaka deh hua development tho bhal para sai ase kui nah. Mukan sob sides keh control kuri b kuia se,” Stephane Dujarric, Secretary General laka spokesperson para kui shae, Thursday din laka daily press briefing deh.
UN chief para Bangladesh Government keh kui nah ase, dialogue karne conducive environment bana b kui nah. Aro protestors kan keh b dialogue deh engage kuri b kui nah ase. “Violence tho ktiia b solution nahoi,” Dujarric para kui shae. Tai para, Secretary general tho youth laka meaningful aro constructive participation karne encourage kuri ase kui shae, ekta bhal dunia karne.
Guterres para Bangladesh deh taka authorities kan keh violence laka sob acts tho investigate kuri b kui shae. Etu heh nahoi nah, perpetrators kan keh account deh duri b aro dialogue karne ekta conducive environment bana b kui shae.
Add Comment