June 4, 2024: Monday din deh kun bah United Nations experts para sob countries kan keh ekta Palestinian state recognize kuri b kui shae, Middle East deh peace ensure kuri bo karne. Jua hapta Spain , Ireland aro Norway kan, officially ekta Palestinian state recognize kuri shae. Recognize kura tho Israel kan gusa hui jai shae.
Experts kan para Palestinian state recognize kura tho Palestinian manu kan laka rights karne ekta zaruri acknowledgement ase kui shae. “Palestine aro sob Middle east deh lasting peace taki bo, etu thot ho ekta pre-condition ase – Gaza deh phat ekta ceasefire ani nah aro Rafah deh aro military offensive nakuri na,” taikan para kui shae.
“Peace aro security laka rasta karne khali ekta two-state solution heh baji nah ase. Etu kuri nah heh violence aro gusa laka generational cycle tho hati jabo.”
Israel laka Foreign Minister para jawab laka request deh jawab dia nai itia b. Ekta Palestinian state keh recognize kuri nah Spain, Ireland aro Norway kan para taikan, Israel-Hamas laka war deh ceasefire ani bole koshish tho uthai di ase kui shae. Taikan laka decision para alak European Union states keh follow kuri bole dibo kui nah hope kuri ase kui shae taikan. Denmark kan hoile b ekta Palestinian state recognize kuri bole laka proposal tho piche deh reject kuri di shae.
Add Comment