Kolkata, 19 December: Thursday din West Bengal Chief Minister Mamata Banerjee para “impartial organisation” United Nation nesana khan para Citizenship (Amendment) Act opor deh keman jun support ase najibo nemide referendum lobole demand korise.
Tai koise, “Impartial organisation- United Nations nahoile National Human Rights Commission para Citizenship (Amendment) Act opor deh keman jun support ase nohoile kelaaf ase janibo nemide referendum lobole debe”.
Tai para BJP ke desh alak kuribole kori thaga nemide kelaaf korikena koise, government para Citizenship Act toh withdraws nakora tak protest kora toh nakoribo. Etu toh tinta neighbouring desh laga non-Muslim refugees ke Indian citizenship debole laga ase.
Protest kori thaga jaga deh Banerjee koise, “Achanak 73 sal laga independence bechide ami khan Indian citizens nemide saboot debo lakibo. Etu time deh BJP kotdae thakise, BJP para desh toh alak bonai ase. Apuni protest kora toh narokhibe kelay koile ami khan CAA toh hataidebo lakibo. Keman din jai etu nesana protests toh gara hoijabo”.
Tai para be etu toh lethara politics ase koikena koise, “Apuni toh besi kosish kora bechide 38 percent vote paise aro etiya besi phak tai khan apuni ke kelaaf ase. Etu toh bad luck ase ami khan para ami khan laga baba aro ama laga identity debole olabo. Sob toh citizens ase aro achanak kon para apuni ke etu idea desh ami khan para proof debole. Tai khan toh lethara politics kori ase.
Banerjee toh ektum gorom gorom amend kora Citizenship Act ke kelaaf kori ase aro koise tai toh West Bengal deh CAA suru kuribole nadibo. Tusara non-BJP chief ministers para be tai nesana eki statement toh dekena ase.
Desh deh Citizenship (Amendment) Act, 2019 karni protest kora toh olaise. Etu toh hoile December 31, 2014 nahowah agae deh India deh ahiya Pakistan, Afghanistan aro Bangladesh laga Hindus, Sikhs, Jains, Parsis, Buddhists aro Christians ke Indian citizenship debole laga ase.
Add Comment