June, 2024: Monday din deh U.N Security Council para taikan laka first resolution approve kuri shae, kuto Israel aro Hamas majo deh ath mohina laka war tho kotom kuri bole aim ase. U.S sponsored resolution tho ekta ceasefire proposal tho welcome kureh, kuto President Joe Biden para announce kuri shae. Etu proposal tho Israel kan accept kuri nah ase kui shae. Aro Palestinian group Hamas keh b etu three-phase plan tho accept kuri b kui ase.
Hamas para taikan, resolution tho welcome kureh kui shae aro mediators lokot deh kam kuri bole ready ase kui shae, implement kuri bo karne. Taikan dia statement tho, itia takt ho sobse kara ase hoile b taikan, Israeli laka occupation ruka bole struggle kuri taki bo kui shae aro ekta “fully soverign” Palestinian state set up kuri bole kam kuri bo kui shae.
Resolution kuto 15 Security Council members para 14 members kan favor deh vote kuri shae, etu tho Israel aro Hamas kan keh mati ase, delay aro conditions kan nata kinah, taikan laka terms tho fully implement kuri b kui nah.
U.S Ambassador Linda Thomas Greenfield para vote piche deh, council para Hamas keh ekta clear message patai shae kui shae, table deh taka ceasefire deal tho accept kuri b kui nah. Taikan para Israel kan deal tho accept kuri di shae kui shae, kuto countries kan support kureh.
“Jakara tho aji ruka bole pari bo, Hamas kan eki kuri shae koile tho. Mui aro ekbar kuia se, Jakara htho aji ruka bole pari bo,” tai para council keh kui shae.
Add Comment