October 17, 2023: Monday din deh UN Security Council para ekta Russia resolution keh reject kuri shae kuto Middle East laka violence condemn kuri taki shae. Delegates kan para motion tho support nakuri bo kui shae kuto Hamas laka surprise attack kotha deh nanae.
Khali chartha country para heh Russia lokot vote kuri shae. Alaka charta para taikan laka against vote kuri shae aro choitha tho abstained kuri shae maneh vote kura nai.
Russia laka UN ambassador, Vassily Nebenzia para hari leh b, resolution para council kan keh action lubo di ase kui shae.
“Security Council deh ekta substantive discussion launch kuri bole contribute kuri shae. Mukan laka encouragement nata kile tho, kotha b kuri bole taka nai pareh,” tai kui shae.
United Kingdom kun US lokot Russia laka proposal reject kuri shae, tai kan para Moscow keh criticize kuri sha taikan laka lack of consultation karne. Etu he nahoi nah consensus serious para napi sara karne accuse kuri shae.
“Resolution kuto Hamas laka terror attack condemn nakureh, mukan etu resolution support kuri bole napa reh,” Barbara Woodward para kui shae council keh.
Add Comment