UNC para AFSPA nemite Govt ke putnam

IMPHAL: United Naga Council (UNC) para Manipur te AFSPA select korikena hatai deya nemite government logot tangor sawal korishe. UNC para government ke putam thishe ke, AFSPA “disturbed area” hatai deya toh kali valley areas para ase koishe. UNC para statement te janaishe ke, Manipur te ‘selective’ te AFSPA hata deya toh mesa bapana te bhal kam kora thika ase. Hoilebi etu putli kora te military pithor te eku nai aro manuh nemite eku faitha nai, koikena UNC para aro janaishe. Etu kotha toh New Delhi ekla para fesla koriboli pareh, hoilebi state government laga khobor hesab te Disturbed Areas Act  select korikena hataboli kam kora toh kali hill areas nemite ase. Etu toh hoile AFSPA pithor te security forces logot aro ekta notun hokom deya neshina ase,” koikena UNC para statement te aro janaishe. United Naga Council (UNC) para Armed Forces Special Powers Act (AFSPA) toh ‘selective’ nahoikena pura hataboli demand korishe. Etu archaic law toh colonial samai para thaka toh itya  modern democracy te jaga nai, koikena United Naga Council (UNC) para aro janaishe.