India, 27 May 2025: Black Justice laga producer Kapil Kakar koi ase ki, judiciary reform upor bana thaka eneka ekta series ke major OTT platform pora reject kuri dishe, judiciary ke upset kori dibo laga bhoi karone.
Kapil koi, “Black Justice to 5 crore pending case-upar base kuri ase, aru judiciary reform laka dorkar ke dikhai. Etu six-episode laga web series ase, aru ekta episode 40 minute lamba ase. Ekta streaming platform pora almost finalise kurishe, hoilebe topic to olop uncomfortable ase, direct judiciary laka opposite te kure. Tai karone OTT platform bishi bhoi pai ase ki litigation hobo.”
Etu series ke Bhavin Wadia direct kurishe, aru etia series to show laga official website-te cholai ase.
Kapil koi, “Beshi bura laghe jitu manuh ekta series commercial perspective te na bonai, desh ke help kuri bole banai ase – ekta social worker or activist nishina. Kintu jodi apuni desh karone bhi kiba ekta kure, alak mamu nijor interest protect kuri thake.”
Kapil eneka bhi explain kure, “Private platform laga modot moi enough data collect kuri ase, jate ki ami alak OTT platform ke dikhai dibo ki series to iman threat to nai.”
“Beshi lawyer khan pora actually eneka bhal lagishe. All over India pora lawyer aru judge alak bhi positive response dishe. Etia time-te series to ekta paid subscription platform-te ase. Etu ami database create kuri jabo karone, aru OTT platform-bilai ke bujhai dibo ki etu inika dangerous nahoi,” koishe Kapil.
Add Comment