Undergraduate Admissions karney CUET UG Result julti announce kuribo

Delhi, 9 July : National Testing Agency (NTA) para Common University Entrance Test Undergraduate (CUET UG) 2024 karney julti results janau diwo. Candidates kun itu exam dishey taikhan NTA laga official website dey ghusina results sawoley paribo. Taikhan itu results sawoley nijot laga login credentials haliboley lagibo. Itu agency agey dey undergraduate entrance exam karney provisional answer key ulai dishey. Candidates khan itu provisional answer key khilaf July 9 dey 5pm tak objections uthawoley paribo. Taikhan ekta question karney ekta non-refundable fee Rs 200 diwo lagibo. Itu testing agency para answer key logot question papers aro examinees’ responses bhi ulai dishey. Candidates khan OMR grading ke challenge kuriboley option asey kuntu karney taikhan ekta question karney ekta non-refundable processing fee Rs 200 logot ekta representation submit kuriboley lagibo. Itu NTA para candidates laga objections ke evaluate kuribo, aro itu valid thakiley, final answer key ke issue kuribo. Central aro alag participating universities dey undergraduate courses dey admission karney entrance examination toh May 15, 16, 17, 18, 21, 22, 24, aro 29 dey 379 locations dey luishey. Itu saal, agey par karney, NTA para itu exam ekta hybrid format dey administer kurishey. Original schedule hisab dey, itu provisional answer key toh June 30 dey release huwoley thakishey. NTA sources hisabbdey itu deri hua toh answer key dey galti nathakiboley karoney huishey. Itu saal 14,90,293 students nishna CUET karney register kurishey. Itu para, 9,68,201 students nishna itu exam dishey. Total 261 universities para CUET UG 2024 scores accept kuribo.