October 20, 2020. UNICEF para koishe ke, 520 million syringes bonaikena raki thakibo, etu tangor ekta plan pithor te 2021 saal samai one billion hypodermic needles toh supply thibo nemite. Aro koishe ke, desh pura te COVID-19 vaccines naha agae te syringes toh tayaar thakibo lage. “duniyaa te COVID-19 vaccine roki thaka samay, UNICEF para kam soru hoikena jolti para safe aro efficient vaccine aha samay syringes toh kenibo aro dosura saman khan tayaar thakibo,” koikena Monday din UN agency para junai thishe. Agency para koishe ke, COVID-19 vaccine ola logote, duniyaa te vaccines neshina syringes toh be besi lakibo. Etu nemite tayaar kora samay, UNICEF para 520 million syringes toh saman raka chaka te thakibo, aro etu tangor plan pithor te 2021 saal te one billion syringes toh COVID-19 vaccine naola agae te tayaar thakibo lage. 2021 saal te COVID-19 vaccines bhal besi olabo neshina khobor paa nemite, UNICEF para one billion oper syringes toh COVID-19 vaccination deya samay motob koribo. Aro etu oper te 620 million syringes kenikena dosura vaccination programmes kelaaf te dosura bemari neshina measles aro typhoid bemari te choboli koishe. “duniyaa te COVID-19 vaccine deya toh sobse tangor kam hobo aro etu manuh laga history te thakibo, aro ami khan jolti para vaccine ola samay kam koriboli lage”, koikena UNICEF Executive Director Henrietta Fore para koishe. “olop beche te jolti agae jaboli nemite, etai para jolti jai thakiboli lage. Etu saal kotom howa samai, ami khan laga hath te atha million neshina syringes thakibo”, Fore para aro koishe. Syringes ekla nahoikena 5 million safety boxes be keniboli ase, keli koile syringes chowa beche needles toh bhal kori personnel health facilities khan para pelabo aro etu para jokom nahobo aro dosura blood-borne bemari nahobo. Ekta safety box te 100 syringes thakibo koishe.
Add Comment