UNICEF: Vaccines nemite 350 partners logot kam koriase

November 24, 2020. UN Children’s Fund (UNICEF) para 350 oper logot melikena aro etu oper te duniyaa pura laga tangor airlines, shipping lines aro logistics associations khan logot melaikena 92 desh nemite Covid-19 vaccines jolti te olaboli kam kori ase koikena agency para Monday din te koishe. UNICEF Supply Division laga director Etleva Kadilli para koishe ke, melaikena kam kora toh tangor kamyaab hoboli nemite ase, Xinhua new agency para janai thishe. “Covid-19 vaccine olaboli kam kora samai, UNICEF khan para airlines, freight operators, shipping lines aro dosura associations logot be melikena manuh ke pachaboli vaccines toh jolti para olaboli bapan te ase”, tai koishe. Etu kam soruh koribo nemite, UNICEF aro Pan American Health Organization (PAHO) aro International Air Transport Association (IATA) melikena kotha kora te aha saal dak te 2 billion tawai olaboli koishe. Etu oper te, 1 billion syringes neshina toh paani-jahas para othaboli koishe. Duniyaa te UNICEF toh vaccine bonaikena thiboli nemite kam kora te first ase aro tai khan para COVAX Facility logot be fesla loikenaase. PAHO logot melai te UNICEF para tawai toh kenikena thiboli koishe aro etu 92 komti aro majot te thaka komti kama manuh nemite jolti paijabo. January moina para soruh hoikena, 190 million U.S. dollars laga Covid-19 laga supplies neshina masks, gowns, oxygen concentrators aro diagnostic test kora saman toh dhuk thaka desh khan logot thikena ase koishe. UNICEF toh duniyaa te kali single vaccine kena khan ase, ek saal pithor te 100 desh nemite tai khan para 2 billion vaccines thiboli kenishe.