Union Bank logot 52 crore dukaise

New Delhi: Central Bureau of Investigation para Delhi-based firm aro tai khan laga directors kelaaf te bank fraud 52 crore nemite case registered korishe. Agency laga officials para janaishe ke etu accused toh 2019 saal desh para pulaishe. 5 Core Electronics Ltd aro etu laga directors- Amarjeet Singh Kalra, Surinder Singh Kalra, Jagjeet Kaur Kalra aro Surinder Kaur Kalra , etuu manuh khan oper te cheating, forgery, criminal breach of trust aro corruption nemite case registered korishe. The Union Bank of India bank para koishe ke, etu company para electrical aro electronics goods exports kori ase, 2015 saal te tai khan para Bank of Baroda te poisa loboli hotishe. Etu beche baki loikena, bank para 70 crore fresh credit facilities toh company logot thishe aro etu beche aro 2016 te poisa toh 111 crore hoishe. Hoilebi, etu company para baki toh nathira nemite etu account toh non-performing asset ase koikena June 2019 te junaishe aro baki toh 52 crore hoishe. “Forensic audit hesab te irregularities pithor te funds toh personal assets neshina sovereign gold bonds, investments in share markets etc te jolaishe, etu nemite bank para CBI logot complaint thikena ase. Etu account toh November 2019 te “fraud” ase koikena junaishe aro etu laga khobor toh Reserve Bank of India logot janai thishe. February moina te Directorate of Revenue Intelligence para check kora samai etu jaga toh locked thakishe aro factory te kam kora manuh kaun be thaka nai koishe. CBI para NDTV logot koishe ke, tai logot complaint toh June 3 darik te paishe aro itya khobor hesab te manuh khan toh 2019 saal te desh para pulaishe. “etu manuh khan ke thuriboli kam kori ase. Suspects hesab te dosura banks logo be thukaina thakibo, hoilebi itya dak te ekta bank para complaint ahikena ase,” officials para koishe.