New Delhi, 27 August : Union Cabinet today Ministry of Youth Affairs aru Sports laga proposal approve korise juntu te CWG 2030 Commonwealth Games host koribo karone bid submit koribo ahibo. Cabinet Host Collaboration Agreement (HCA) sign koribo karone aru juntu-juntu Ministry, Department aru Authority laga guarantee lage, itu bhi approve korise. Bid accept hoile Gujarat Sarkar ke required grant-in-aid sanction koribo bhi approve korise.
72 desh laga athlete khan Commonwealth Games te participate koribo. Itu te dangor ginna athlete, coach, technical official, tourist, media logot dangor ginna manu bhi India ahibo, juntu local business khan ke benefit dibi aru revenue generate koribo. Ahmedabad ekta ideal host city ase, juntu world-class stadium, cutting-edge training facility aru ekta passionate sporting culture rakhe. Narendra Modi Stadium, juntu duniya laga sobse dangor stadium ase, etia bhi prove korise ki etu bhal host ase jiman ki 2023 ICC Cricket World Cup Final successfully host korise.
Khel laga bahar te bhi, India te CWG host korile tourism boost koribo, job create koribo aru hazar-hazar young athlete khan ke inspire koribo. Etu chara sports science, event operations aru management, logistics aru transport coordinator, broadcast aru media, IT aru communications, public relations aru aru onek sector te bhi professionals khan ke opportunity dibi. Eitu nisena ekta globally prestigious event host korile national pride aru unity bisi dangor hobo. Nation laga morale boost koribo, aru notun generation khan ke sports te career hisab te ahibo karone inspire koribo, aru sob level te sports te participate koribo karone encourage koribo.
Add Comment