Agencies, 04 August: Tuesday te Union Minister for Petroleum & Natural Gas and Steel Dharmendra Pradhan ke toh coronavirus nemide positive test olaise aro tai ke toh Medanta Hospital te admit korikena ase koise. Etu agae tui din Union Home Minister Amit Shah ke be covid-19 nemide positive test ola thakise.
Khobor hisaab te, Pradhan toh tai laga staff ke virus nemide positive test powa nemide isolation te ase.
Dharmendra Pradhan, 51-year-old Union Minister toh Covid-19 nemide positive test ola te second Union Minister ase. Tusara Madhya Pradesh CM Shivraj Singh Chouhan, Karnataka CM BS Yediyurappa aro former Karnataka CM Siddharamaiah ke be covid-19 nemide positive paikena ase. Tamil Nadu Governor Banwarilal Purohit ke be infection para diagnosed hoise aro tai toh privately-owned Kauvery Hospital te treat kori ase.
Add Comment