Jaipur, Novemebr 21 : Union Minister Gajendra Singh Sekhawat para Tuesda din te Congress para judi taikhan ke vote paikina Rajasthan te jitisey koiley rajya te caste census kuribole kosom kha te jawab disey.
Sekhawat para dawa kurisey ki enaka census tu kuribo naparibo kilemaney etu tu rajya laga sarkar laga haath te nai. Tai para Rajasthan te thaka shok Gehlot(Congress) laga sarkar ke desh ke bhak kuridiya laga iljam bi lagaisey1
Tai para koisey, “Congress khan para kitya bi caste census kuribole naparibo kilemaney etu tu rajya laga sarkar laga haath te nohoi. Nyom kanoon hisap te, etu tu khali Centre laga haath te hey asey aro khali Central Government para hey etu kuribo paribo. Congress laga party tu poila para desh ke bhak kurikina ahi asey aro taikhan para aro ekbar etu kuribole kosis kuri asey.”
Tuesday din te Congress para Rajasthan laga election jitisey koile ki ki kaam kuribo etu ailan kora homoitey koisey, “Samaj laga sob section nimitey ekey somman samaj seva kuribole nimitey nyom lagu kuribole karney amikhan para caste hisap te census kuribo.”
Etu party para caste census kora picheyte taikhan laga population laga hisap te minority khan ke reservation dibole bi kosom khaisey.
Etu Manifesto tu Congress president Mallikarjun Kharge, Rajasthan Chief Minister Ashok Gehlot, PCC Chief Govind Singh Dotasra, manifesto committee laga chairman CP Joshi aro poila laga deputy CM Sachin Pilot para Jaipur te thaka Congress party laga office te release kurisiley.
Add Comment