October 14, 2024, 03:56 PM : Union Minister for Tribal Affairs, Jual Oram para Zunheboto district tey visit kurishey, 14th October, 2024 tey, ekta review meeting nimitey, Akuhaito Aspirational Block opor tey. Tai ke Advisor, Tribal Affairs, H. Tovihoto Ayemi; Advisor, Food & Civil Supplies aru Legal Metrology, K. T. Sukhalu aru MLA, Er Picto Shohe para accompany kurishey.
Itu honourary programme tey kotha koi kena, kuntu toh hoiley Multi-purpose hall Zunheboto tey para loishey, Oram para state kurishey ki, tai visit kuria laga asol vajey toh hoiley alag alag government aid kuria laga scheme khan aru benefit khan manu khan ke provide kuria toh janiboley aru itu khan toh thik para implement kuriboley karney.
Tai para tatey attend kuria manu khan ke aru beneficiary khan ke address kurishey ki, tai laga visit kuria toh hoiley, tai ki koboley asey itu karney khara kuria ekla nahoi hoilebi manu khan para grievances khan bhi huniboley karney ahishey Nagaland state aru district laga manu khan laga, kotey tai para koishey, ki, itya laga thaki thaka government laga ideology bhi tai para kotha koa nishina same asey ideology toh, aru itu logotey aru bhi bishi wala development khan aru benefit khan asey manu khan karney.
Itu event tey, Deputy Commissioner Zunheboto, Rahul Bhanudas Mali para itu event tey chair kuria homoi tey tai para welcome address bhi janaishey. Tribal Affairs nimitey Advisor – H. Tovihoto Ayemi para ekta speech dishey, aru Advisor, Food & Civil Supplies aru Legal Metrology, K.T. Sukhalu para vote of thanks dishey.
Alag highlight khan tey cultural aru special item khan thakishey. Beneficiary khan ke tai khan laga tireless service khan nimitey award dishey, itu scheme khan laga implementation karney, alag alag level khan tey.
Add Comment