November 15, 2025, 06:06 PM: Union Finance aru Corporate Affairs Minister, Nirmala Sitharaman para virtual para duita SASCI-fund kuria laga project khan – Multipurpose Hall laga Construction inaugurate kurishey, amenity khan logotey, Phek district tey, aru Zunehboto town tey Administrative Officers nimiety Guest House laga construction inaugurate kurishey, November 15, 2025 tey, Niathu Resort, Chumoukedima tey para, aru itu pichetey, itu Union Minsiter para ekta review meeting loishey, itu Special Assistance opor tey, States for Capital Investment (SASCI) Projects karney, Nagaland Chief Minister, Dr. Neiphiu Rio aru Deputy Chief Minister’s T.R. Zeliang aru Y. Patton aru alag alag department khan aru alag dignitary khan laga Senior official khan logotey.
Tai laga khata speech tey, tai para media ke brief kuri kena, review meeting pichetey, Nirmala Sitharaman para koishey ki, tai visit kuria toh hoiley, bishi toh hoiley itu Aspirational District, Kiphire visit kuria opor tey focus kuria laga thakishey aru itu progress toh monitor kuriboley, saturation point khan toh achieve kurishey nai koi kena, socio-economic indicator khan tey – health, education, nutrition, farming, aru women empowerment tey. Tai para inform kurishey ki, Union Minister khan toh hoiley, itu North East tey 700 time para bhi bishi wala visit kurishey, aru itu Prime Minister nijey para 70 time para bhi bishi visit kuri kena asey, itu North East state khan tey, tai para aru koi kena janaishey, itu Prime Minister laga Vision aru commitment thaka laga, itu North East develop kuria laga.
Add Comment