United States te coronavirus para manuh mora 150,000 oper hoishe

July 31, 2020. Wednesday din, United States te Covid-19 para 150,676 manuh morikena ase. Etu tuh Duniyaa te manuh mora laga fifth record ase koikena Johns Hopkins University para janai thishe. United States te 4,426,000 oper bemari cases ase, etu nemite tai khan Duniyaa pithor te sobse besi bemar hoikena ase. United States te first manuh mora tuh February 29 darik te khobor paishe. Desh te 50,000 manuh mora tuh 54 din thakina April 23 darik te thakishe aro 34 din thakina May 27 darik te 100,000 oper mora ponchese. Aro 50,000 manuh  moriboli 63 din loishe aro etu melaikena 150,000 hoishe koikena CNN para koishe. US laga konuba desh te manuh besi mora tuh khobor  paiase. Wednesday din California te, ek din pithor te 197 manuh Covid-19 bemar para morishe, koikena State Department of Public Health para koishe.  Florida te be Wednesday din te 216 manuh mora record hoishe. Etu bemari laga experts khan para koishe ke, United States tuh besi thik dari te ase aro etu oper te schools khan kulibo naa nai debate kuriase koishe. Bemari case laga rates tuh business aro kula bechea othiase aro distancing rules tuh spring samay kuli thishe. Aro kuan khan jolti para normal te ahi debo mon ase etu chaka te discipline thakina mask lagabo, bahar dining tuh limit hobo laga  aro social gatherings aro bars tuh bondh hobo koikena Tuesday din te Dr Anthony Fauci para koishe. “etu bemari tuh joti paa tuh nalamibo, National Institute of Allergy and Infectious Diseases laga director Fauci para governors khan logot phone te bemari laga kotha koishe. President Donald Trump para mask lakaina covid-19 samayh anti-malarial drug hydroxychloriquine joboli kowah tuh Fauci para social media te video share te larai kurishe. Etu samay, Johns Hopkins University Center for Health Security te scholar thaka khan para koishe ke, United States tuh federal, state aro local levels te policy action tuh aro restart kurikena bemari tuh control hobole lage koishe. “Duniyaa pithor te dosura desh neshina nahoikena , United States tuh bemari rokaboli laga chaka te nai” koikena khobor para koishe. Etu khobor pithor te 10 kuriboli kam ase- – manuh sob para mask lagaboli lage, federal laga leaders khan para testing kura tuh improve hobo laga aro kuan chaka te bemari cases besi beya jaiase, etu chaka manuh khan ke ghor pithor te thakibole hokom thiboli laga koishe.