December 7, 2024: Wednesday din deh UnitedHealthcare CEO Brian Thompson keh goli mari nah murai di shae, ekta New York City hotel laka bahar deh. Etu case deh itia b arrest ekta b bana nai. Authorities kan para agae deh suspect laka mask nalaga photo ekta release kuri shae. Etu photo tho Thompson keh thik namura time deh hui shae. Suspect tho itia b polai ase. Investigators kan itia ekta theory keh explore kuri ase, suspect tho ekra rare World War II spy gun laka ekta modern version chui shae kui nah.
New York Post laka ekta report isap deh, puntok tho Connecticut deh kini shae pareh. Shooting kura jaka laka surveillance footage para suspect, taila target keh aim kura dikai shae, ekta luxury backpack lakai nah. Etu luxury backpack tho bishi wak professional photographers kan chui. Etu laka upor deh, puntok tho ekta silencer lokot deh equipped taki shae, kuto para killer keh bola bole di shae, kun b najani nah.
Wednesday din deh chua puntok tho ekta “B&T VP9” ase kui nah biswas kureh. Etu puntok tho Welrod pistol laka ekta modernized pistol ase. Authorities kan olop agae deh kina puntok kan keh investigate kuri ase, Connecticut-based gun manufacturers para. Etu tho suspect laka hunt karne ekta clue bisari bo karne kuri ase, report isap deh.
Add Comment