December 08, 2024, 06:23 PM : Itu teen din laga khotom kuria laga programme, Unity Mini Hornbill Festival cum Pre-Christmas celebration toh hoiley loishey, DC Office Complex, Peren District Hq. tey para, 7th December 2024 tey. Itu programme toh hoiley Deputy Chief Minister aru Planning & Transformation laga Minister in-charge National Highways laga – T.R. Zeliang tatey special guest thakishey aru NZPO President, Zandi Domta tatey chief host thakishey. T.R. Zeliang para tai laga address tey, itu sob member khan ke thanks janaishey, itu organize kuria committee laga, tai khan laga effort khan aru sacrifice nimitey, itu Unity Mini Hornbill Festival ke ekta grand success banaboley tey. Tai para itu sob government officer khan aru staff khan ke, alag alag department khan laga, itu general public khan nimitey kaam kuriboley, enthusiasm logotey. Zandi Domta para tai laga khata speech tey, itu Deputy Commissioner aru Organizing Committee ke thanks janaishey, tai ke invite kuria nimitey, itu event laga part hoboley. Tai para Peren laga Deputy Commissioner ke ekta dedicate thaka officer koi kena describe kurishey, kun toh hoiley alchi nalagi kena kaam kuri kena ahi asey, itu manu khan laga upliftment nimitey, itu district laga, aru kuntu nimitey tai para tai laga sincere appreciation extend kurishey, itu Tribal Hoho khan laga behalf tey. Shuru shuru tey, Pastor KBA (N), Rev. Tongpu Singson para invocation offer kurishey, aru Rongmei Council Peren, President, Jangdiat Gonmei para welcome address deliver kurishey. St. Xavier College, Jalukie Principal, Fr. Dr. Francis Cheerangal, para ekta meaningful Christmas message share kurishey.
Unity Mini Hornbill Festival Khotom Kuria Laga Programme Cum Pre-Chirstmas Celebration Loishey, Peren Tey
Add Comment