New Delhi, 3 January : Farhan Akhtar aru Ritesh Sidhwani laga Excel Entertainment, Hollywood laga giant Universal Music Group (International) logote haat milaise. HT pora paisey information hisab te, itu international conglomerate itu Excel te minority stake acquire kori dise. Sources koi ase ki duita company laga majot discussion mahina pora cholise.
Itu new partnership pora Universal laga Indian film market te presence strong hobo, aru Excel ke productions laga scale dangor koribo help koribo, kute already pipeline te bishi dangor ideas ase.
Notably, itu partnership ke julti ekta press conference te formally announce kora hobo, kute Maharashtra Chief Minister Devendra Fadnavis bhi present thakibo. Duita party itu collaboration ke Prime Minister Narendra Modi laga Indian content ke global audience karone bonabo vision logote align kuina koi ase.
Itu alliance pora Excel Entertainment laga industry te standing aro ucha hobo aru India laga most valued production houses majot ekta bonibo. Ritesh Sidhwani aru Farhan Akhtar full creative control aru majority equity stake dhori thakibo.
Excel Entertainment laga journey 25 saal aage Dil Chahta Hai logote shuru hoise, jun Farhan laga director hisab te debut bhi asil. Itu pichete Excel bishi dangor hits dise, jiman Don franchise, Zindagi Na Milegi Dobara, Gully Boy aru Fukrey series ase. Last ekta decade te Excel OTT space te bhi successful venture kori ase, jiman Mirzapur, Made in Heaven aru Dahaad jase popular shows dise.
Universal Music Group (UMG) ekta multinational entertainment conglomerate ase, jun California te headquartered aru Netherlands te corporate offices ase. 2023 te $11 billion operational revenue logote, itu world laga biggest media corporations majot ekta aru “Big Three” record labels majot count hoi, Sony Music Entertainment aru Warner Music Group logote.
Add Comment