NEW DELHI: UP board laga result aro toppers laga list olaishe.Class 10 laga te Kanpur laga Gautam Raghuvanshi top te ahise 97.17 percnet loikena . Barabanki laga shivam toh second spot te ahise 97 percent te aro Tanuja Vishwakarma third position te ahise 96.83 percent te .Tanuja bi Barabanki para ase . class UP 12 board exams laga tinta topper bi maiki ase .First topper toh Bagpat laga Tanu Tomar 97.80 percent paosje ,second spot toh Gonda laga Bhagyashree Upadhyaya aro third spot toh Prayagaraj laga Akanshya Shukla 94.80 % paishe .
Chief Minister Yogi Adityanath twitter te jaikena toppers khan ke khushi janaishe .
Uttar Pradesh board laga Class 10 te sob milaikena 80.07 percent manu pass hoishe .Aro class 12 te 70.06 percent manu khan pass hoishe .
UP board laga numerical breakdown toh yete sabole paribo.Uttar Pradesh laga class 10th examination toh Febuary 7 para shuru kurikena Febuary 28 te khotom kurishe .UP Board khan para tai khan laga result toh dui moina majhotte High School board exam khotom huwa pichede olai .2018 te UP board class 10 exam laga pass percentage toh 75.16 percent thakishe .
Students khan bi tai khan laga answers sheets khan bi revaluation kuribo paribo.Judi ekta student fail hoishe koile toh tai khan compartmental dibole paribo.Etu Uttar Pradesh board revaluation aro compartmental exam laga khobor toh UP Board result ola pichede pabo.
Add Comment