Gonda: Uttar Pradesh, Gonda district te jowa rathi cylinder blast hoikena tuita(2) ghor beay kora te 7 jun morishe aro 7 jun besi beya para jokom paishe koishe. Rescue khan para ek jun pithor te pasikena thaka te olaboli kori thakishe aro dosura jokom powa manuh khan ke hospital te elaj kori ase koishe. Etu cylinder blast toh Tikri bosti te jowa rathi family manuh khan cook kori thaka samai hoishe. Etu ghor kera nemite 15 jun neshina ghor kera pithor te pasikena ase aro dosura 7 jun morishe koishe. “ami khan logot cylinder blast hoikena ghor kera khobor paishe, etu nemite police force aro local manuh khan laga motob para rescue kam soruh hoishe, etu samai 14 manuh ke pachaishe, 7 jun morishe aro dosura 7 jun toh aro hospital te elaj kori ase,” koikena etu khobor toh Superintendent of Police, Santosh Kumar Mishra para janai thishe. Manuh mora pithor te tuita(2) motha, tuita(2) maiki aro baki toh bacha khan ase, officer para koishe. Blast howa jaga te video te thika toh besi tangor beya hoikena thakishe. Police aro local manuh khan para etu jaga te manuh pasikena thaka toh pesari thakishe, etu samai bulldozers laga motob para jaga toh sapa kori thakishe koishe.
UP: Cylinder blast te 7 jun morishe aro 7 jun jokom
Add Comment