UP laga BJP MLA Devendra Pratap Singh morishe

Etah: Uttar Pradesh’s Kasganj district laga Bharatiya Janata Party (BJP) MLA, Devendra Pratap Singh toh Monday pujur cardiac arrest para morishe, tai laga umer toh 55 thakishe. Singh ke district hospital te loikena jowa samai doctors para morishe koikena janaishe. “Singh ke 7 am samai hospital te loikena jaishe hoilebi etu samai te morishe koishe, koikena khobor toh hospital laga Medical Superintendent, Dr Rajesh Agarwal para koishe. Chief Minister Yogi Adityanath para Amapur laga MLA, Devendra Pratap Singh mora nemite besi tangor mon dukh howa kotha janaishe. Singh toh Amapur police station pithor Hajipur bosti laga manuh thakishe aro tin(3) paar MLA thakishe, tai para jarikena jowa manuh toh maiki, tuita(2) chokra aro ekta chokri ase koishe. Singh mora laga khota kora te BJP leaders aro workers aro local BJP MLA Vipin Verma David aro Marhara MLA Virendra Lodhi, hospital pongchise. Party workers para koishe ke, MLA laga body toh bosti te loikena jaboli nemite government laga ambulance deya nai. Tai khan koishe ke ghor manuh khan para private ambulance arrange korishe koishe.