Uttar Pradesh, 3 April 2025: Ekta maiki allegedly tai nijor ke murai dishey Uttar Pradesh laka Jhansi te Navratri puja toh kuribo napara pichideh menstruation karne. 36 saal Priyansha Soni, taike hospital te loi jaishey poison khan pichideh hoileh b treatment time te muri jaishey. Priyansha Soni toh tai laka mota, Mukesh Soni lokot bhui thaki shey, aro taikhan laka duita maiki bacha, tin saal Janvi aro dui saal Manvi lokot. Mukesh laka hisap pra, Priyansha toh eman tayari kuri thaki shey Navratri nimite aro etu festival te bishi mon d kina thaki shey. Hoileh b first din te he, tai menstruate kura shuru hoishey, kun toh taike fasting kura rukhai dishey aro puja b kuribo di nai. Etu pra taike emotionally distraught kuri dishey. Mukesh pra taike confront kuri kina b, tai control kuribo pari nai.
Tai laka mota pra koishey, Tai koi thaki shey ekbar goddess toh punchi shey koileh, tai puja toh shuru kuribo. Tai moike sop puja laka saman toh anibo leh koishey, etu toh moi kuri dishey. Hoileh b first din te, tai periods ahishey aro ritual toh kuribo pari nai. Moi taike bujai dishey etu toh natural process ase, hoileh b namaneh. Tai kinba ekta significant hara nishina lagi shey. Next din te kicha Mukesh toh tai laka dukan te thaki shey, Priyansha alleged poison khai dishey. Etu jani paina, ghor manu khan pra taike Jhansi medical College te loi jaishey, tadeh doctors khan tai laka halat toh stable kuribo pari shey. Taike olop deri hoi kina discharged kuri dishey aro ghor te ani dishey. Hoileh b tai laka health aro biya hoishey. Etu nimite ghor manu khan pra taike district hospital te loi jaishey tadeh tai treatment time te muri jaishey.
Incident laka khobor huni kina, Kotwali police khan Priyansha laka body toh olai shey aro post-mortem nimite phatai dishey.
Add Comment