MUMBAI: January 15 para Prayagraj, Uttar Pradesh te 12 crore bisasi khan Kumbh Mela visit kuribole expect kuri ase. Government para manu khan nimite ekdam bhal arrangements kuri ase. Etu arrangement toh bisasi khan laga security aro tai khan laga smooth para sob event te hissa lubo paribo nimite ase. Minister para jua kali northern state para etu kotha koishe.
Kumbh Mela tohduniya laga sob para dangor cultural aro religious event ase. Etu Kumbh Mela event toh Prayagraj (formerly Allahabad) te hoi. Etu event toh UNESCO para world heritage status accord kurishe.
Etu event toh March 4 te khotom hubo. Etu event toh ‘intangible cultural heritage of humanity’ laga list te include kurishe.
Reporters khan ke Uttar Pradesh Urban Development Minister Suresh Kumar Khanna koishe etu first time duita integrated control aro command centres desh laga law aro order sabole form kurishe.
Suresh Kumar Khanna koishe Kumbh Mela area toh etu centres khan para CCTV cameras surveillance under te anishe. Etu system para sob system control kuribo aro traffic movement aro mela te aha manu khan ke bhal para sabo nimite ase.
Suresh koishe1,400 CCTV cameras para khali pilgrims khan laga safety aro security he nasabo hoile bhi cleanliness arrangements bhi sabo.
Minister koihse 192 desh laga representatives khan bhi etu Kumbh Mela visit kuribole expect kuri ase. 71 desh laga Ambassadors khan para etu grand event laga taiyari toh witness kurishe. Etu moina te NRI day nimite conference Varanasi te organize kuri ase. 5,000 opor NRIs khan Kumbh visit kuribole expect kuri ase.
Temporary township bisasi khan thakibole taiyar kuri ase.
Mr. Khanna koishe sob states khan bhi etu event te hissa lubo dibole UP government khan bishi kaam kuri ase. Bisasi aro tourists khan aram nimite akash, rasta aro pani laga transport facilities khan taiyar kuri di ase.
Add Comment