UP Police: Haryana tin(3) jun manuh ke thurishe

Noida: Haryana manuh tin(3) jun para e-commerce giant Amazon ke lakhs neshina dukai deya toh Uttar Pradesh’s cybercrime police para thurishe, koikena Thursday din officials para janaishe. Etu tin(3) jun pithor te tui(2) jun toh Fatehabad para ase aro ek jun toh Hisar para ase, tai khan ke Wednesday din Noida cybercrime police station team para thurishe. “etu manuh khan para  Amazon’s website te  alag-alag accounts besi bonaikena fake identification jolaikena saman toh prepaid orders kori thakishe, koikena UP police statement hesab te janaishe. Hoilebi saman toh hath te pongcha beche, tai khan para Amazon logot contact korikena saman toh beya thakishe koikena daam toh refund calim kori thakishe. Amazon laga policy hesab tai khan laga delivery partner para jaikena saman toh “beya”othabo aro poisa toh refund kori thakishe, koikena police para janaishe. Etu manuh khan para aro delivery agents ke contact korikena original saman toh putli kori thakishe. Delivery agents para orders te saman othaishe koikena database te janai thibo aro accused khan toh Amazon accounts te bank accounts te linked thaka te poisa toh wabas pai thakishe. Etu manuh khan para saman toh jaikena Delhi-NCR bazaar te susta para bekabo kori thakishe. UP Police para July moina te tuita(2) members ke etu neshina kam te thurishe. Thura manuh laga nam toh- Rajkumar Singh (31), Arvind Kumar (24) aro Sitaram Kumar (20) umer ase. Noida cybercrime police station team toh Inspector Vinod Kumar Pandey loikena etu manuh khan ke thura ase, koikena police para koishe. Etu manuh khan oper te FIR toh Indian Penal Code aro Information Technology Act pithor te cheating, forgery aro criminal conspiracy te case korishe.