LUCKNOW, SEPTEMBER 9 : 30 sal dangor IPS Officer poisa (kathara dawai) khaide kena ekdam diktar chamala te thaka huijaise. Etubi Kanpur laga Private Hospital te. Etu bejete tai murijua huise koise.Etu Officer laga naam toh Surendra Kumar Das koi kena mati. Aro tai toh 2014 sal laga Officer ase. Aro tai ke Superintendent Police City (East) nemite Kanpur te bataidese. Etu bejete tai dawai (poison) khaidiya bejete Private Hospital te Wednesday din sabole jai kena thaka laga ase koise.Kotha hutha-huthe kura hisabte etu IPS Officer toh jua-jua din phale tai ekdam mondukh bai kena thaka laga ase. Etu bejete tai neju murijabole kuribo koi kena thaka laga ase. Etu karne tai Google (Internet) te jai kena neju muribole laga dawai besari thakise. Eneka huikena tai etu dawai khaise. Etu dawai laga naam toh Sulphas Powder koi kena chuha (rats) murabole laga dawai ase. Aro tai etu dawai manga toh khor te chuha kan murabole karne manga laga ase koise. Tai mura karne Senior Police Officers kan DGP, ADG (Law and Order) aro tusera kan pora mondukh laga kotha janaise koise.
UP Police poison khaa pora murise
