New Delhi: Uttar Pradesh laga Congress General Secretary In-charge, Priyanka Gandhi Vadra toh Monday din para Lucknow te ek hafta nemite ahishe aro etu samai tai para state te poll nemite kam korikena jaboli janaishe. Congress leaders, Priyanka Gandhi para koishe ke, tai toh state leaders khan ke lok koribo aro Lucknow te ek hafta tour kora samai party workers logot important kotha koribo koishe. Tai para scheduled meetings toh manifesto committee aro election committee logot state te party poll kam koribo, khobor para aro janaishe. Priyanka Gandhi toh ekta training programmes te participate koribo aro etu toh Uttar Pradesh Congress Committee para organized kora ase koishe. Uttar Pradesh te Congress para ‘Congress Pratigya Yatra’ thakina — ‘Hum Vachan Nibhayenge’ tagline te aha saal Assembly elections nemite kotha koribo. Priyanka para koishe ke yatra toh 12,000 kilometres distance cover korikena tangor bosti aro towns te connect koribo. Yatra laga darik toh aro janai thoiboli ase koishe, hoilebi khobor hesab te Gandhi Jayanti din October 2 darik te thakiboli neshina ase. October te party para first list candidates tayar kori ase. Etu nemite, Uttar Pradesh te Congress para Assembly polls nemite last date applications toh aro extended korishe. Party units sob ke letter te UPCC president Ajay Kumar Lallu para koishe ke, candidates laga hath para applications toh October 10 darik dak receive koribo. Puila applications submit laga last date toh September 25 thakishe. Sob candidate khan ke form nemite Rs 11,000 deposit koriboli janaishe. Party sources para koishe ke, date extend kora toh hoile, applications recive kora te ‘unsatisfactory’ thaka nemite ase koishe.
Add Comment