MATHURA, OCTOBER 6 : Uttar Pradesh Minister Surya Pratap Shahi pora aji BJP Sorkar kan tai kan state nemite kheti kam kura kan poisa gaama uthaidese (double farmers’ income) koise. Etubi kheti kuribole karne bhal hadiyar aro saman kan anede kena (introducing technology and modern techniques).
Etu karne UP Sorkar kan 3 din nemite “Agriculture Kumbha” koi kena Din (event) manabole ase. Etubi October moina darek 26, 2018 pora suru kurikena. Etubi tai kan state capital Lucknow te. Aro etu din te kheti kam kura kan, experts aro scientists kan sob 1 ta jaka te anede kena thakibole ase aro etu bejete etu kotha manaidebole ase koi kena, etu Minister pora janaise.
Tai bi etu din nesena manabole kura toh ahke wala ase. Ato etu din te kheti kura laga Companies kanbi ahe kena hisha kuri thakibole ase koi kena khobor kura kan ke janaide thakise. Aroe tu din te kheti kura kan ke etu bhal hadiyar aro saman kan pora kinika kam julabole kuribo etu kan janaidebo. Kele etu porahi kheti te ula saman kan ulabole aro lobole kura time te aramse (post harvest) bhal te lobole aro ulaidebole bara hobo koi kena.
Tai bi etu din te sob kheti kam kura kan tai kan state laga sob districts pora hisha kurikena thakibole debo. Aro Pradhanmantri Fasal Beema Yojna laga bitor pora etu kheti kura kan khabole ula saman kan (crops) kebi bhal te saidebole kuribole ase koi kena janaise.
Add Comment