LUCKNOW, SEPTEMBER 2 : Sunday din Official khobor pora Uttar Pradesh state laga alak-alak jaka te pani kera laga chamala pora manu kan 16 jun muraidese aro 12 jun jukum kuridese koi kena janaise.
Saturday din te Shahjahanpur jaka te pani kera toh ekdam besi pora kerikena thakise. Etu pora etu jaka te 6 jun muraidese aro 7 jun jukum kuridese koise.
UP Relief Commissioner laga Officer khobor hisabte Sunday din Shahjahanpur jaka te 6 jun manu murise. Aro Sitapur district te 3 jun muraidese koi kena janaise.
Etu oporte Auraiyya aro Amethi jaka te 2 jun-2 jun muraidese. Aro Lakhimpur Khiri, Rae Bareli aro Unnao jaka te 1 jun-1 jun muraidese. Aro tai kan sob mura toh jua kali hi mura laga ase koise.
Khobor hisabte bi 18 jun Janwar bi muraidese. Aro 461 khor (House/huts) kan bi pura-puri bhangai de kena aro biya kuride kena thakise koise.
Add Comment