Lucknow: Lucknow te Ghazipur jaga te suspect kora te radioactive californium bekai thaka samai 8 jun manuh ke thhurishe, koikena police para khobor toh junaishe. Etu manuh khan ke Lucknow’s Polytechnic crossing osor te checking nemite rokaishe aro etu samai 340 gm suspect kora californium toh tai khan laga hath te paishe, koikena Police Commissioner DK Thakur para news agency PTI logot khobor toh janaishe. Interrogation kora samai, etu manuh khan para police logot koishe ke etu tawai toh cancer elaj nemite ase. Police para IIT-Kanpur te identification nemite tawai toh putiashe. “jodi etu saman toh Californimum hoishe koile etu laga daam toh crore neshina hobo,” Mr Thakur para koishe. Etu thura manuh khan laga nam toh Mahesh Kumar, Ravi Shankar, Amit Kumar, Shital Gupta, Abhishek Chakravarty, Harish Chowdhury, Ramesh Tiwari aro Shyam Sundar thakishe. Police para aro dosura khobor toh etu saman laga jankari toh thura manuh logot kaut para paishe hota-hoti kori thakishe koishe.
UP te 8 jun ke californium case te thurishe
