Lucknow: Saturday din Uttar Pradesh Chief Minister Yogi Adityanath para state laga manuh 18 para loikena 44 umer logot May 10 darik para coronavirus vaccination drive soruh koribo koikena juani thishe. Etu drive toh 17 municipal corporations aro Gautam Buddh Nagar jaga te thakiboli tai para koishe. “vaccination drive toh Aligarh, Agra, Prayagraj, Kanpur, Ghaziabad, Gorakhpur, Jhansi, Bareilly, Meerut, Moradabad, Lucknow, Varanasi, Saharanpur, Firozabad, Mathura-Vrindavan, Ayodhya aro Shahjahanpur municipal corporations aro Gautam Buddh Nagar jaga te thakibo,” koikena Chief minister para janaishe. Bareilly te reporters logot kotha kora samai, Mr Adityanath para koishe ke, India te sobse manuh besi thaka state, Uttar Pradesh te etu bemari logot larai kori ase. Tai para koishe, vaccination toh sobse bhal rasta ase etu bemar logot larai koriboli aro etu samai 45 umer oper manuh khan ke 45 lakh vaccines toh thikena ase. 18 umer para 44 umer manuh logot 1 lakh oper vaccine thikena ase. Etu umer manuh khan nemite vaccine deya toh May 1 darik para soruh hoikena state laga 7 district- Lucknow, Kanpur, Prayagraj, Varanasi, Gorakhpur, Meerut aro Bareilly te thikena ase. Kamyaab howa laga kotha kora te government para bemari oper te besi bhal para larai kori ase. Chief minister para aro koishe ke, “bapana kora hesab te COVID-19 positive cases toh May 5 darik dak te 1 lakh ponchiboli neshina thakishe, hoilebi aji May 8 darik ase. Saturday din dak te Notun cases toh 26,847 hoikena ase. Etu hesab te COVID kam nemite tangor kamyaab hoi ase. “second bapana thaka toh panchayat polls samai bemari cases othiboli neshina thakishe. Panchayat elections toh April 19 darik te kotom hoishe aro itya bemari cases toh komti wala jai ase,” tai para janaishe. BJP leader para koishe, UP te 1 din pithor te sobse COVID-19 cases besi othai toh April 24 darik te 38,055 cases thurishe aro sobse besi active cases toh April 30 darik te 3.10 lakh record thakishe. Mr Adityanath para aro janaishe ke, puila hospital te 500-bed te 20-30 oxygen thakishe hoilebi, aji toh hospital laga 500 bed sob te oxygen ase. “oxygen demand kora nemite special kam kori ase aro Prime Minister Narendra Modi para UP nemite 61 notun oxygen plants bonaboli manishe. Sob district te sugarcane department para oxygen plant bonaboli kam soruh hoikena ase,” tai para aro janaishe.
Add Comment