April 7, 2021. Uttar Pradesh te COVID-19 bemari para manuh morikena thaka toh 8,924 ase. Tuesday din te aro 30 jun etu bemar para morishe aro notun 5,928 cases paishe. Sob melaikena 6,39,928 bemari cases ase. Olop din akhe state capital te hotai din coronavirus cases othi thaka nemite, Allahabad High Court para physical hearing cases toh bondh korishe aro kali urgent kam toh video conferencing te loboli janaishe aro etu fesla toh hafta pura nemite thakibo koishe. Uttar Pradesh te ek pithor te 30 manuh COVID-19 bemar para mora toh- Lucknow para 7 jun morishe, Kanpur para 4 jun, Prayagraj para 3 jun, Varanasi, Muzaffanagar aro Sitapur para tui(2) jun aro Gautambuddh Nagar, Moradabad, Hardoi, Pratapgarh, Basti, Sultanpur, Unnao, Bijnor, Jalaun aro Kanpur Dehat para 1 jun morishe koishe. Notun 5,928 COVID-19 cases pithor te, Lucknow para 1,188, Allahabad para 915, Varanasi para 711 aro Kanpur para 306. Itya dak state te etu bemari para 6,03,495 manuh bhal hoikena ase, koikena Tuesday din Uttar Pradesh government para khobor toh janaishe. Lucknow bench laga Allahabad High Court para cases toh physical hearing thakiboli bondh korishe. Tuesday din etu nemite court laga senior registrar para administrative order janaishe. Court para April 5 darik te regular hearinf toh bondh korikena ase aro kali urgent matters toh strict guidelines oper te thakibo. Hotai din laga COVID-19 halat toh saikena, court administration para notun order te hoshari nemite video conferencing manishe. Order te senior registrar para koishe ke, kaun lawyers khan logot urgent cases toh loboli ase, tai khan laga registered mobile numbers toh link koriboli janaishe. Lawyers para tai khan laga chamber para video conference te join koriboli paribo koishe.
Add Comment