Banda: Etu kotha toh bishi bar koishe ke kutta khan toh manu khan laga sob para bhal sathi ase. Aro Uttar Pradesh te etu kotha toh kutha para aro sabit kuri dishe.
Sources koishe ke jui laga dekhi kena kutta (dog) toh halla (bark) kuri kena manu khan ke uthai dishe. Etu jui toh April 12 te building te lagi kena thakishe. Kutta (dog) halla kura nimite tis (30) manu khan laga jeevan bachishe.
Gas cylinder putha nimite kutta (dog) toh murishe. Kutta (dog) toh bandi kena thaka nimite muri jaishe.
Hoile bhi dekha manu khan para koishe ke kutta (dog) toh jui dekhi kena halla kuri thakishe. Aro etu nimite sob manu khan ke savdhan (alert) kuri dishe. Aro etu nimite manu khan sob toh surakshit (safe) para olaijabole parishe. Aro kutta (dog) toh gas cylinder visphot (blast) huwa samay te muri jaishe.
Jui official Vinay Kumar koishe ke jui toh building laga nichete (basement) short circuit hoi kena suru hoishe. Building te gas cylinder khan toh visphot hoishe aro etu nimite osor te thaka charta buildings khan toh geri jaishe.
Building laga tukra khan toh safaa (clear) kuribole suru kurishe. Fire department khan toh building malik khilaf te FIR register kurishe. Building malik toh thik kanoon khan nocholai kena furniture laga factory khan toh cholai thakishe.
Add Comment