UP te Principal aro Teacher ke exam nemite thurishe

APRIL 10, 2022: The Uttar Pradesh police para Ghazipur district te 6 jun manuh para state board examinations samai cheating organized kora nemite thurishe, koikena Friday din officials para janaishe. Thursday din te etu manuh khan thura pithor te Dhua Arjun area Saidpur police station pithor government school principal aro teacher ek jun be samil ase koishe. STF para statement issued kora hesab te, tai khan ke Varanasi unit para thura ase koishe. “STF unit para intelligence khobor paikena 6 jun manuh ke toh panchayat building Kedarnath Inter College, Ghazipur district te thurishe. Etu manuh khan toh Uttar Pradesh board exams samai cheating organized korishe”. District Magistrate of Ghazipur Mangala Prasad para PTI logot Friday din koishe ke, etu manuh khan ke toh alag-alag section National Security Act (NSA) pithor te charged korishe. Class 12 board Physics exam school te jai thaka samai, etu manuh khan para students logot  solved answer sheets toh supply kori thakishe. Tai khan para solved copy te Rs 25,000 loishe, koikena STF para janaishe. Thura manuh pithor te principal Ravindra Rai aro assistant centre manager, Ashok Kumar Patel, teacher aro solvers Rajneesh Kumar, Shailendra Yadav, Ravi Yadav aro Piyush Kumar Yadav thakishe koishe. “principal para question paper laga picture toh loikena message te solvers khan logot shared korishe, etu beche solvers khan para question paper toh solve korikena Ashok Patel logot submitted korishe. STF para Saidpur police station te etu hatsa nemite FIR lodged korishe.