UP’s Agra te 16 dengue cases thurishe

New Delhi: Agra te komti hoilebi dengue 16 cases thurishe, koikena Agra’s Chief Medical Officer (CMO) Arun Kumar Srivastava para khobor toh junaishe. “16 confirmed cases te 6 bemar manuh toh city laga alag-alag hospitals te admitted korishe aro dosura baki manuh toh nejor ghor te ase,” koikena Srivastava para janaishe. “konuba bemar manuh toh bhal hoishe aro itya dak te manuh mora khobor toh nai,” koishe. District administration khan para door-to-door surveys jai ase aro tai khan toh Uttar Pradesh health minister Jai Pratap Singh laga kotha hesab te kam kori ase, etu samai suspects manuh sob ke elag kori ase,” koikena CMO para khobor toh janaishe. “ASHA workers khan ke janaishe ke, bemar manuh ke hotai din check up thikena aro jodi case toh emergency hoile hospital te loikena ahibo, tai para janaishe. CMO para koishe ke, medical college te hotai samai fogging kori ase aro paani te dengue spread nakoribo nemite bhal para kam kori ase koishe. “municipality khan be high alert te ase aro hotai din cleanliness drive jai ase,” tai para aro janaishe. Olop din akhe, Uttar Pradesh health minister Jai Pratap Singh para koishe ke, state government para state te viral fever toh naolabo nemite alag-alag steps para control kori ase. Minister para janaishe ke, government para officials khan laga kam kora toh besi bhal para sai ase aro city te bemar nahoboli kam kori ase koishe.