UPSC kan exam system keh rebuild kuri bole ase

July 25, 2024: Union Public Service Commission (UPSC) para latest digital biometric technologies karne tenders kan keh invite kuri nah ase. Etu tho, taikan laka exam time deh impersonation, cheating aro fraud laka against measures kan kara kuri bo karne ase. Etu tho trainee IAS officer Puja Khedkar laka case piche deh hui ase. UPSC para Khedkar tho, civil service exam dibo karne taila identity fake kuri shae kui nah pai shae. Jua hapta, taikan para ekta show cause notice issue kuri shae, taila appointment cancel kuri bo karne. Controversial IAS officer tho Examination Rules para dia limit par kuri nah exam di taki shae. Etu tho tai, “taila nam, taila baba laka nam, ama laka nam, photograh, signature, email-ID, mobile number aro address kan change kuri nah kuri shae,” UPSC para ekta statement deh kui shae. Ekta calendar year deh, UPSC, ekta constitutionals body 14 major examination aro kun bah recruitment test aro interview kan conduct kureh, central government deh taka Group ‘A’ aro Group ‘B’ post karne. UPSC para taikan, taikan laka examination to free, fair aro impartial manner deh rakhi bole importance bishi deh kui shae. Etu standards kan duri bo karne, taikan latest digital technology kan chub oleh plan kuri ase. Candidates laka biometric details match aro cross check kuri bo karne. Etu heh nahoi nah exam time deh activities kan monitor kuri bo karne. Etu kan tho cheating, unfair practices aro impersonation kan prevent kuri bo karne kuri ase.