June 26, 2024: Itu Urban Local Bodies (ULB) elections loishey, Dimapur tey, 26th June 2024 tey, pura puri 23 ward khan cover kuri kena, 118 polling station khan logotey, itu Dimapur Municipal Council (DMC) para aru 7 ward toh hoiley 11 polling station khan logotey, itu East Dimapur Town Council (EDTC) para. Itu election khan toh hoiley fujur 7:00 Am para shuru hoishey, aru tatey significant voter khan aha laga dikhi paishey, alag polling station khan tey.
Itu DMC toh hoiley 60,281 registered voter khan asey, aru itu EDTC tey tohh oiley 10,245 voter khan asey. Voter khan toh hoiley large number khan para ahishey, tai khan laga democratic right khan exercise kuriboley, ekta vibrant aru participatory election process ensure kuriboley.
Itu toh hoiley yaad kuriboley laga asey ki, duita candidate khan toh hoiley Dimapur Municipal Council para aru charta candidate khan toh hoiley itu East Dimapur Town Council para elect kurishey, uncontested thaki kena.
Itu election nimitey observer khan toh hoiley itu DMC nimitey Arenla Jamir aru Imsongmeren thakishey, itu EDTC nimitey, tai khan toh hoiley itu polling station khan tey thakishey, itu election process laga conduct kuria toh smooth para jaboley.
Add Comment