MUMBAI: Friday din te party para khobor kurishe ke actor para politics te aha politician Urmila Matondkar toh Mumbai laga north constituency nimite aha moina laga election te Congress candidate hesab te election te contest kuribole ase. Urmila Matondkar laga umar toh 45 saal ase.
Urmila Matondkar toh Wednesday din te Congress te meli jaishe. Tai para koishe ke tai toh politics te lamba samay nimite ahishe aro tai toh nafrat (hate) laga politics khilaf te larai kuribole hissa loishe koishe.
Milind Deora toh etu haft ate Mumbai laga Congress chief hesab te carge loishe. Tai para he Urmila nimite Mumbai North te party laga candidate hesab te nomination halibole dishe. Etu constituency toh BJP khan para cholai ase.
Urmila Matondkar toh BJP lawmaker Gopal Shetty khilaf te contest kuribole ase.
Mr Shetty para NDTV ke koishe ke Sanjay Nirupam toh jani thakishe ke tai toh haribole he thakishe. Etu nimite tai har laga mala lagai loishe. Etiya Urmila Matondkar bhi tai laga gala te etu lagabole ase aro tai harija pichete wapas politics te ghurai kena na-ahibo.
Add Comment