Uruguay para Brazil keh knock out kuri di shae

July 7, 2024: Saturday din, penalty shot out deh Uruguay para Brazil keh 4-2 score deh harai di nah knock out kuri di shae. Uruguay tho tostho player deh nami nah wapas aha ase. Match tho Las Vegas laka Allegiant Stadium deh kili shae aro full time deh score tho 0-0 draw taki shae. Uruguay kan penalty tho jiti nah, Copa America laka semi-finals deh gusi jai shae, kuteh taikan Colombia laka against kili bo. Vinicius Jr tho Brazil karne suspend hui nah ase aro stands para sai taka tho, Dorival Dr laka side kan, ekta man-advantage taki nah b opportunities kan pabo leh duk pai taki shae. Second half deh Uruguay laka Nahita Nandez keh olai di shae. Shootout deh, Sergio Rochet para Brazil laka first penalty tho save kuri shae, Eder Militao laka hath para. Hoile b Eder laka teammate, Douglaz Luiz post deh mara thom Uruguay keh led di di shae. Alisson Becker para Jose Maria Gimenez aro Gabriel Martinelli laka score tho deny kuri nah Brazil keh zinda rakhi nah b, Manuel Ugarte para decisive spot kick tho mari nah, Uruguay keh agae lui jai shae. “Ekta tense match taki shae, ekta kara opponent laka against. Hoile b am ikan character dikai shaem: Rochet para kui shae.