Washington: November 11, 2020. Tuesday din United States te notun Covid-19 cases para olop din agae laga record oper jaikena 24 gonda pithor te 201,961 cases paishe, koikena Johns Hopkins University laga tally hesab te janai thishe. Hafta oper laga number toh thiri koikena, United States te sob melaikena cases toh 10,238,243 hoikena ase aro 239,588 manuh morikena ase, etu khobor toh 8:30 pm (0130 GMT) samai te janaishe. 24 gonda pithor te Covid-19 bemari para manuh mora toh 1,535 registered korishe. United States te bemari pheli thaka toh rokai thaka samai otha ase. Ek hafta oper hoishe ke, United States te notun bemari toh hotai din te 100,000 oper paiase. Coronavirus bemari para hospital te manuh besi othiase, desh te 60,000 oper manuh hospital te elaj kori ase, koikena COVID Tracking Project para janaishe.
President Donald Trump, kaun November 3 darik election te harikena ase, tai para manuh khan mask laka te hasai thakishe aro koishe ke, virus toh tai nejor jai jabo. Hoilebi, tai logot jeta manuh Joe Biden para kosom korishe bhal kam koriboli aro desh manuh logot kowa toh face bondh kora toh virus ke control nemite sobse bhal kam ase janai thishe. US pharma giant Pfizer aro tai laga partner BioNTech para Monday din junaishe ke, tai khan laga vaccine candidate para Covid-19 bemari hatabole 90 percent kam te ase, aro vaccine pesarai samai tangor kamyaab hoishe.
Add Comment